ტრამპი: უკრაინისა და ირანის ომები მალე დასრულდება

აშშ-ის პრეზიდენტი დონალდ ტრამპი აცხადებს, რომ უკრაინაში მიმდინარე ომი და ირანთან ომი შესაძლოა მალე დასრულდეს. განცხადება მან სამხრეთ კაროლინაში მხარდამჭერებთან შეხვედრისას გააკეთა.

ტრამპის თქმით, მან უკვე მოაგვარა რვა ომი. „მე მოვაგვარე რვა ომი ან ისეთი სიტუაციები, რომლებიც ომებად აღიქმებოდა. ახლა კი კიდევ ორი ​​ომის დასრულებასთან ვართ ახლოს — რუსეთსა და უკრაინას შორის და ირანთან ომის. ისინი, ასე თუ ისე, დასრულდება“, - განაცხადა ტრამპმა.

მანამდე ტრამპმა თქვა, რომ რუსეთ-უკრაინის ომის დასრულება შესაძლოა იმაზე უფრო ახლოს იყოს, ვიდრე ოდესმე.