პესკოვი: აბუ-დაბიში დაგეგმილი მოლაპარაკებები სამმხრივ ფორმატში გაიმართება

რუსეთის პრეზიდენტის პრესმდივანმა დიმიტრი პესკოვმა განაცხადა, რომ უკრაინის კონფლიქტის მოგვარების საკითხზე აბუ-დაბიში ნოემბრის პირველ ნახევარში დაგეგმილი მოლაპარაკებები სამმხრივ ფორმატში გაიმართება.

ჟურნალისტებმა პესკოვს ჰკითხეს, შესაძლებელია თუ არა მოლაპარაკებების ოთხმხრივ ფორმატში ჩატარება ევროპელი წარმომადგენლების მონაწილეობით. მან უპასუხა: „არაფრის გამორიცხვა არ შეიძლება წინასწარ, მაგრამ აბუ-დაბიში ნოემბრის პირველ ნახევარში დაგეგმილი მოლაპარაკებები, სამმხრივ ფორმატში გაიმართება“.

პესკოვის თქმით, უკრაინის კონფლიქტის ყოვლისმომცველი გადაწყვეტა შეუძლებელია რუსეთისა და უკრაინის უსაფრთხოების საკითხების განხილვის გარეშე.

„დიახ, მართლაც, პრეზიდენტმა მოლაპარაკებების თემა გამოკვეთა: ეს არის უსაფრთხოების საკითხები ორივე ქვეყნისთვის - რუსეთისა და უკრაინისთვის - მშვიდობიანი მოგვარების მიღწევის შემდეგ. ეს მშვიდობიანი მოგვარების მიღწევის ერთ-ერთი ძალიან მნიშვნელოვანი კომპონენტია“, - განაცხადა პესკოვმა.

მისივე ინფორმაციით, რუსეთის პრეზიდენტს ჯერ არ მიუღია გადაწყვეტილება მოლაპარაკებების ახალი რაუნდისთვის დელეგაციის შემადგენლობის შესახებ.