ბათუმში ინტერპოლის წითელი ცირკულარით ძებნილი თურქეთის მოქალაქე დააკავეს ბავშვზე სექსუალური ძალადობის ბრალდებით

ბათუმში ინტერპოლის წითელი ცირკულარით ძებნილი თურქეთის მოქალაქე დააკავეს. დაკავება შინაგან საქმეთა სამინისტროს ცენტრალური კრიმინალური პოლიციის დეპარტამენტის აჭარის მთავარი სამმართველოს თანამშრომლებმა განახორციელეს.

სამინისტროს ინფორმაციით, თურქეთის სამართალდამცავი ორგანოების მოთხოვნით, მამაკაცი თორმეტი წლის ასაკს მიღწეული ბავშვის მიმართ დამამძიმებელ გარემოებებში ჩადენილი სექსუალური ძალადობის ბრალდებით იძებნებოდა.

ძებნილი პირი სამართალდამცველებმა ჩატარებული საგამოძიებო მოქმედებების შედეგად დააკავეს. დაკავებულის მიმართ ამჟამად კანონით გათვალისწინებული საექსტრადიციო პროცედურები მიმდინარეობს.