ტვერის ოლქში რედკინოს საცდელ ქარხანას დრონებით თავს დაესხნენ
რუსეთის ტვერის ოლქში, რედკინოს საცდელ ქარხანაზე დრონებით თავდასხმა განხორციელდა. ინფორმაციას უკრაინული მედია „ტელეგრამ“ არხებზე დაყრდნობით ავრცელებს.
ამავე ცნობებით, ქარხანა Kh-55 და Kh-101 ფრთოსანი რაკეტებისთვის საწვავის კომპონენტებს აწარმოებს. გარდა ამისა, იქ დიზელის საწვავისა და საავიაციო ნავთის დანამატებსაც ამზადებენ. ქარხანაზე თავდასხმა თებერვალშიც განხორციელდა.
ქარხანა რუსეთის სამხედრო-სამრეწველო კომპლექსის საწარმოო ჯაჭვის ნაწილია და სარაკეტო და საავიაციო ინდუსტრიებს სპეციალიზებული ქიმიური პროდუქტებით ამარაგებს.
