ტყიბულის შახტში სატვირთო ვაგონმა მეშახტე დააზიანა

ტყიბულის შახტში მეშახტე დაშავდა. მას სატვირთო ვაგონი დაეჯახა. დაშავებული კლინიკაშია მოთავსებული.

შსს-ში განმარტავენ, რომ გამოძიება სისხლის სამართლის კოდექსის 240-ე მუხლით მიმდინარეობს. ეს მუხლი სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას ეხება.

სისხლის სამართლის კოდექსის მიხედვით, უსაფრთხოების წესის დარღვევა სამთო, სამშენებლო ან სხვა სამუშაოს წარმოებისას, რამაც ჯანმრთელობის ნაკლებად მძიმე ან მძიმე დაზიანება გამოიწვია, „ისჯება ჯარიმით ან გამასწორებელი სამუშაოთი ვადით ორ წლამდე ანდა თავისუფლების აღკვეთით ვადით ორ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ“.