ალენ ბერსე ევროპის საბჭოს გენერალური მდივანია. ბოლო დროს ის საქართველოში დემოკრატიის უკუსვლაზე გაკეთებული განცხადებებით ჩანს სიახლეებში: ევროპის საბჭოს ადგილობრივ და რეგიონულ ხელისუფალთა კონგრესის სხდომაზე მან ეს ვითარება შემაშფოთებლად დაახასიათა და თქვა, რომ ის ძირს უთხრის საქართველოს, როგორც ევროპის საბჭოს წევრის, ვალდებულებებს. ოპოზიციური პარტიების აკრძალვის სარჩელის განხილვის დაწყებამდე ბერსემ „ქართულ ოცნებას“ მოუწოდა, დაიცვას პოლიტიკური პლურალიზმი და შეინარჩუნოს სივრცე პოლიტიკური ოპოზიციისთვის.