დმიტრო ლუბინეცი უკრაინის ომბუდსმენი, ანუ პარლამენტის ადამიანის უფლებათა კომისარია. ბოლო პერიოდში იგი ხერსონის ოლქის ქალაქ ოლეშკიში ცეცხლის შეწყვეტასა და ჰუმანიტარული დახმარების მიწოდების მომზადებაზე საუბრობდა და აცხადებდა, რომ მარშრუტებზე განაღმვითი სამუშაოები მიმდინარეობს. მისივე თქმით, ის კონტაქტშია რუს კოლეგასთან, იანა ლანტრატოვასთან, და შეთანხმების პირობების კოორდინაციას ახორციელებს. ლუბინეცის ინფორმაციით, წითელი ჯვრის საერთაშორისო კომიტეტის მხარდაჭერით უკრაინამ და რუსეთმა შვიდ-შვიდი სამოქალაქო პირი გაცვალეს.