მატჩი საქართველოსა და კორეას შორის ფრედ დასრულდა

საქართველოსა და სამხრეთ კორეის საფეხბურთო ნაკრებების შეხვედრა, რომელიც თურქეთში, სტამბოლის ფათიჰ თერიმის სახელობის სტადიონზე გაიმართა, ფრედ დასრულდა.

საქართველოს ნაკრებს საბა კვირკველია და დათა ხოჭოლავა ვერ დაეხმარნენ – საბა ჯერ ფორმაში არაა, ხოლო ხოჭოლავას მხრის ტრავმა აწუხებს. ინდივიდუალურად ემზადება ლაშა დვალი და ის განაცხადშიც ვერ მოხვდა, ისევე როგორც ახალწვეული ლევან შენგელია. სამაგიეროდ, ვლადიმირ ვაისმა ძირითად შემადგენლობაში ზუკა დავითაშვილი დააყენა.

პირველი ნახევარი თანაბარ ბრძოლაში მიმდინარეობდა. ანგარიშის გახსნას ორივე გუნდი ცდილობდა. 29-ე წუთზე შანსი თორნიკე ოქრიაშვილს ჰქონდა, მაგრამ მეკარემ დაასწრო და ვერ დაარტყა. „ჯვაროსნებმა“ მეტოქეს კართან სახიფათო შეტევა 38-ე წუთზეც განახორციელეს, მაგრამ ვაკო ყაზაიშვილის დარტყმას კორეის ნაკრების მეკარე გადაეღობა.

ანგარიში საქართველოს ნაკრებმა ამინც გახსნა: მე-40 წუთზე ვაკო ყაზაიშვილმა კორეელ ნახევარმცველს ბურთი აართვა და მეკარესთან პირისპირ ჯანო ანანიძე დატოვა, რომელმაც ზუსტად დაარტყა 1:0.