სენაკში,სოფელ, სახარბედიოში ტრაგიკული შემთხვევა მოხდა. მდინარე ცივში მამისა დაშვილის ცხედრები იპოვეს. ძებნის პროცესი 28 ივნისის ღამიდან დაიწყო. გავრცელებული ინფორმაციით, მამა-შვილი მდინარეზე საბანაოდ იყვნენ წასული და მას შემდეგ აღარვის უნახავს. სამძებრო ღონისძიებებში ექვსი მყვინთავი იყო ჩართული.
სენაკისმუნიციპალიტეტის მერის, ლევან კუპრეიშვილის ინფორმაციით, მამა-შვილი მდინარეში საბანაოდ ჩავიდნენ. გოგონას გადარჩენას მამა ცდილობდა, რა დროსაც მამაც და შვილი დაიხრჩო. გამოძიება სისხლის სამართლის კოდექსის 115-ე მუხლით არის დაწყებული, რაც თვითმკვლელობამდე მიყვანას გულისხმობს.
ამ უბედურების შემსწრენი ენითაუწერლად სასოწარკვეთილები ვართ. მთელი სენაკი ტირის, ვინც ამ ბავშვს იცნობს, – პატარა ფერიასავით იყო, სიკეთით და სიყვარულით სავსე. მამა-შვილი სოფელ საგაბესკირიოში ცხოვრობდა. ეს ძალიან პატარა სოფელია. სულ 5 ოჯახი ცხოვრობს. სკოლაც კი არ არის, ამიტომ მარიამი სენაკში დადიოდა სკოლაში. არდადეგებისას კი სულ მამის გვერდით იყო, არ სცილდებოდა…
იმ ადგილას, სადაც მამა-შვილი დაიხრჩო, საშიში არაფერია და არც არასოდეს არავინ დამხრჩვალა. წყალი სწრაფადაც კი არ მოდის, იშლება და მდორედ მოედინება. არავინ იცის რა მოხდა, იმ ადგილას, სადაც მამა-შვილი იპოვეს, წყალს 6-მეტრიანი ჭა გაუკეთებია. აღარ ვიცით, ეს რას დავაბრალოთ, ქვიშას იქ არავინ იღებს, რომ ამხელა ღრმული დაეტოვებინათ. მამა-შვილს შინ ღამის 11 საათამდე ელოდნენ და რომ აღარ გამოჩნდნენ, უკვე ძებნაც დაიწყეს. მდინარის ნაპირზე მარიამის ტანსაცმელსა და მისი მამიკოს მობილურ ტელეფონს წააწყდნენ. ალბათ ბავშვმა გაიხადა და წყალში საბანაოდ გადახტა. იქ კი პირდაპირ 6-მეტრიან ორმოში აღმოჩნდა. მამა კი, როცა ეს დაინახა, მდინარეში შვილის საშველად ტანსაცმლიანად გადაეშვა, მაგრამ ვერ გადაარჩინა… ბოლოს, მამა-შვილი ერთად ამოიყვანეს წყლიდან ჩახუტებული. მამას უკანასკნელ წუთებშიც კი არ გაეშვა ხელი. ნათელი დაუმკვიდროს იქ მათ უფალმა, მარიამის დედას კი აქ გააძლებინოს ეს გაუსაძლისი უბედურება.
კვირისპალიტრა
Discussion about this post