უფლებადამცველი ბაია პატარაია სოციალურ ქსელში ვარკეთილის პოლიციას უმოქმედობაზე წერს, რომლებმაც ადევნების მსხვერპლ გოგოს შესაბამისი დახმარება არ გაუწიეს.
მე არ ვიცი, ეს აქციების გამოა თუ მართლა რას დავაბრალო, მაგრამ რამდენიმე დღეა ვარკეთილის მერვე განყოფიების პოლიცია ვერ შევატოკეთ, რომ კანონი დაიცვას. გვყავს ერთი გოგო, რომელსაც წლების განმავლობაში სწერდა უცნობი კაცი, მაგრამ ბოლო დროს დაუწყო მანიაკალური დევნა, სოფელში ჩააკითხა გოგოს ბებია-ბაბუას, უნივერსიტეტში ეძებდა კურსელებთან, უვრცელებს სახელგამტეხ ჭორებს. მიუხედავად შემაკავებელი ორდერის არსებობისა, უწყვეტად წერს,მაგრამ პოლიცია ყურს არ იბერტყავს. რომ ვეკითხებით, რატომ არ აკავებთ მოძალადეს თქო, პროკურორს ველოდებითო და პროკურორი რას შვება თქო და პარასკევს გვეუბნებიან შაბათ-კვირას არ მუშაობსო და თქვენ ხო არ გძმარავთ შემთხვევით? რაის შაბათ-კვირას არ მუშაობთ?! ამ გოგის რომ რამე მოსწიოს იმ მანიაკმა შაბათ-კვირას დააბრალებთ?
პ.ს. ეს გოგო ამ კაცს ცხოვრებაში არ შეხვედრია და იცით, სად გადაეყარა პირველად? პოლიციაში! რით ვერ ეღირსა პოლიციის შენობა ორ ოთახს და ორ კარს, რომ მსხვერპლებს მოძალადეები შემთხვევით თავზე არ დააყენონ?!
Discussion about this post