გამოდის, რომ საღამოს ჯერ კიდევ ცოცხალია. ეს უკვე აღარ ჰგავს უმისამართო გადაადგილებას – ვახო სანაია თამარ ბაჩალიაშვილის საქმეზე

თამარ ბაჩალიაშვილის გარდაცვალების საქმეში ახალი გარემოებები ჩნდება. ირკვევა, რომ 23 წლის პროგრამისტი მაწევანშიც დააფიქსირეს და ამასთან, საღამოს საათებში, რაც ჟურნალისტ ვახო სანაიას აზრით, საქმეში მნიშვნელოვანი მიგნებაა.

,,გოლთეთის გვერდით არის სოფელი მაწევანი. ჟურნალისტი ერთ-ერთ მცხოვრებს ესაუბრა თამარ ბაჩალიაშვილის შესახებ. თამარის შესახებ დასმული შეკითხვის პასუხად ეს მცხოვრები ამბობს, რომ ნამდვილად დაინახა ნაცრისფერი პატარა მანქანა, რომელსაც გოგო მართავდა, აკვირდებოდა და უყურებდა სახლებს, მინები ამოწეული ჰქონდა. ეს ის დღეა, როცა თამარ ბაჩალიაშვილი გაუჩინარდა. რაც ყველაზე მნიშვნელოვანია, დაინახა საღამოს საათებში, ანუ კარგა ხნის მერე, რაც გოლთეთში იმყოფებოდა. თუ ეს საბოლოოდ დადასტურდა, გამოდის, რომ მხოლოდ გოლთეთში კი არა, გვერდით სოფელშიც ჩასულა. ასევე გამოდის, რომ საღამოს ჯერ კიდევ ცოცხალია. ეს უკვე აღარ ჰგავს უმისამართო გადაადგილებას. ეს უფრო იმას ჰგავს, როცა კონკრეტულად რაღაც მისამართზე მიდიხარ ან ვინმეს ეძებ.

Lasha Kveseladze ძალიან მნიშვნელოვანი მიგნებაა”, – წერს სანაია სოციალურ ქსელში.